AdAd
Ad

होटल व्यवसायमा ठुलो लगानी भित्रिएको छ, सरकारले पर्यटन क्षेत्र प्रवद्र्धनका लागि नीति निमार्ण गर्न आवश्यक

फ्रोब्स म्यागजिनले सार्वजनिक गरेको २०१५का लागि १० उत्कृष्ट गन्तव्य मध्ये नेपाल पनि परेको छ । विशेष गरी नेपालको हिमाल, प्राकृतिक सौन्दर्य तथा विविध कला संस्कृती अवलोकनका लागि उत्कृष्ट रहेको भन्दै फोव्र्सले नेपाललाई उत्कृष्ट गन्तव्यको सुचीमा राखेको हो । यसरी उत्कृष्ट गन्तव्यको सुचिमा नेपाल सुचिकृत हुन सफल भए पनि आवश्यक पुर्वाधारको अभावका कारण पर्यटन क्षेत्र अपेक्षित मात्रामा विकास हुनसकेको छैन । वर्तमान समयमा पर्यटन क्षेत्रको अवस्था तथा अबका दिनमा यस क्षेत्रको विकासका लागि सरकार र निजी क्षेत्रले तय गर्नपर्ने आवश्यक रणनीतिहरुका बारेमा अर्थको अर्थन्युज डटकम ले नेपाल होटल संघका महासचिव विनायक शाह संग कुराकानी गरेको छ ।

नेपालमा पर्यटन आगमनको अवस्था कस्तो रहेको छ ?
केही वर्ष अगाडी नेपालमा अमेरिकी तथा युरोपेली देशका पर्यटकहरु घुम्न आउँथे । वर्षको केहि निश्चित समयमा मात्र उनीहरु आउने भएकाले पर्यटन क्षेत्रमा अफ सिजन भन्ने हुन्थ्यो । अहिले नेपाल भित्रने पर्यटकहरु मध्ये धेरै भारतिय र चिनीयाँ रहेकाले अफ सिजनलाई पुर्ति गर्दै आएका छन् । अझै हामी पर्यटन पुर्वाधार विकासमा जोड दियौं भने थप पर्यटकहरु सालभर आउने हुन्छ । सरकारले सन् २०२०मा नेपालमा २० लाख पर्यटक भित्राउने लक्ष्य सहित प्रस्तुत भएको अवस्थामा त्यसलाई सफल बनाउन सबै आफ्नो ठाँउबाट लाग्नु पर्ने हुन्छ ।
सरकारले पोखरा र भैरहवामा क्षेत्रिय अन्तर्राष्ट्रिय विमानस्थल निमार्ण गर्दैछ । जलविद्युत क्षेत्रमा लगानी बढ्ने क्रम जारी रहेकाले व्यापारी पर्यटकहरुको संख्यामा वृद्धि आउने देखिएको छ ।

पछिल्लो समयमा नेपालमा तारे होटलहरु थपिने क्रम जारी छ । अहिलेको नेपालको होटल व्यवसायको अवस्था कस्तो छ ?
पछिल्लो समयमा नेपालमा तारे होटलहरुमा लगानी गर्नेहरु मध्ये कि विदेशी चेन होटलहरु छन् कि नेपालका ठुला व्यवसायीक घरानाका रहेका छन् । यसले के देखाउँछ भने उहाँहरु पुर्ण रुपमा अनुसन्धान गरेर होटलहरुमा लगानी गर्दै हुन्ुहुन्छ । एउटै होटलमा अर्बाै लगानी गर्नु को मुख्य कारण नै यस क्षेत्रमा सम्भावना देखेर नै हो भन्ने मेरो बुझाई छ । नेपालमा राजनीतिक परिर्वतनसंगै आर्थिक क्रान्तिका कुराहरु भए अब त्यसलाई मुर्त रुप दिने बेला आएको छ । सबै राजनीतिक दलहरुको मुख्य एजेण्डा भनेकै आर्थिक उन्नति हुन आवश्यक रहेको छ । जसले गर्दा होटल व्यवसायमा लगानी बढ्दै जान्छ ।
पर्यटन प्रबद्र्धन र होटलमा भएको लगानी सुरक्षाको निम्ती होटल संघले के गर्दै आएको छ ?
होटल व्यवसायी बिचको अस्वस्थ प्रतिस्पर्धाका कारण नेपाल पर्यटकिय दृष्टिकोण सस्तो मुलुक हुन पुगेको छ । नेपाली तारे होटलहरुले गुणस्तरमा ध्यान दिएर त्यही अनुसारको मुल्य लिन पर्दछ र दोस्रो कुरा नेपालमा पैसा खर्च गर्न सक्ने गुणस्तरीय पर्यटक भित्राउन पहल गर्नु पर्ने होटल व्यावसायीहरुको अहिलेको पहिलो प्राथमकिता हो ।
नेपालमा होटल व्यावसायको केन्द्रका रुपमा रहेको काठमाडौं, पोखरा र चितवन बाहेकका अन्य स्थानहरुमा पनि होटलहरु खोलिनु पर्छ । त्यसका लागि पुर्वाधार निमार्णको काममा सरकार तात्नु पर्यो । पछिल्लो समयमा सरकारले रारा क्षेत्रमा होटल खोल्नेहरुका लागि विशेष छुट दिने भन्ने योजना जसरी ल्यायो त्यो सकारात्मक छ, त्यसका अलवा त्यहाँको पुर्वाधार निमार्णमा पनि सरकाले जोड दिनु आवश्यक छ ।

पर्यटन विकासमा सरकार र व्यावसायीहरुले के–कस्तो भुमिका निर्वाह गर्नु पर्छ ?
नेपालको पर्यटन विकासमा अग्रणी भुमिका भनेकै निजी क्षेत्रले खेल्दै आएको छ । सरकारले पर्यटन नीतिको तर्जुमा गर्दा विशेष ध्यान दिन आवश्यक रहेको छ । पर्यटन विकासमा निजी क्षेत्र र सरकार एक अर्काका परिपुरकका रुपमा अगाडी बढ्नु पर्ने हुन्छ । सहकार्य गरेर अगाडी बढ्ने भन्ने हाम्रो नीति रहेको छ ।

Ad

Contact Us

IBN Media & Research Pvt. Ltd.

Kamal Pokhari, Kathmandu
Phone/Fax : 4442032
Email : ibn@arthakoarthanews.com

Back to top